PERILLUS

I.

PERILLUS

Atheniensis faber ingeniosissimus, qui Phalaridi Agrigentinorum tyranno taurum ex aere fabricavit, cui ianuam in latere posuit, ut, quu m inclusus reussubiectis ignibus torqueretur, mugitum, non hominis vocem emittere videretur: pro quo inven to, cum munus a crudelissimo tyranno Phalaride, qui novis hominum tormentis delectabatur, postulasset, in eo ipse, ut eam poenam primus experiretur, includi a tyranno iussus, ac suppositis ignibus exustus est. Plin. l. 34. c. 8. Perillum nemo laudat saeviorem Phalaride tyrannô, qui taurum fecit, mugitus hominis pollicitus igne subditô, et primus eum expertus cruciatum iustiore saevitiâ. Ovid. in Arte, l. 1. v. 653.

Et Phalaris taurô violenti membra Perilli

Torruit, infelix imbuit auctor opus.

Hinc Perilleus. Idem in Ibin, v. 437.

Aere Perilleo veros imitere iuvencos,

Ad formam tuari conveniente sono.

Et Trist. l. 5. El. 1. v. 53.

Ipse Perilleo Phalaris permisit in aere

Edere mugitus, et bovis ore queri.

Propert. l. 2. El. 25. v. 13.

Nonne fuit satius duro servire tyranno,

Et gemere in tauro, saeve Perille, tuo?

Lucianus Perileam vocat, non Perillum. Nic. Lloyd.

II.

PERILLUS

foenerator, et Iurisperitus. Horat. Serm. l. 2 Sat. 3. v. 75.

Putidius multo cerebrum est, mihi crede, Perilli

Dictantis quod tu numquam rescribere possis.